Rock & Roll Hall of Fame 2026-a lak luh thar tur chiang ta

Rimawi khawvel huanga chawimawina ngaihhlut hlawh pakhat, Rock & Roll Hall of Fame chuan kum 2026 atana lak luh tur an thlan chhuah tharte hming chu Thawṭanni zan khan a puang ta. Lak luh turte hming hi American Idol platform aṭangin an puang leh a ni.

Rock & Roll Hall of Fame-ah hian rock and roll artist chauh ni loin, category dang ami pawh lak luh tel an ni bawk. 'Class of 2026' atana thlan chhuah zingah hian Britpop icon Oasis an tel a, anni bakah hian hip-hop khawvel thlak danglamtu Wu-Tang Clan leh R&B legend Sade-te pawh an tel. Phil Collins (Pop-rock hitmaker); Iron Maiden (Heavy metal); Billy Idol (New Wave punk); Joy Division/New Order (Post-punk); Luther Vandross (R&B legend) te chu lak luh tur zingah an tel bawk. Queen Latifah leh MC Lyte-te chuan hip-hop huanga an thawhhlawk avangin lak luh an ni dawn a, producer Rick Rubin pawh 'Musical Excellence' category-ah thlan a ni bawk.

Kumin induction ceremony hi November 14-ah Los Angeles khawpuia neih a ni dawn a, December thlaah ABC leh Disney+ lamah tihchhuah a ni ang.

Rock & Roll Hall of Fame-a lak luh theih hi kum 25 hma lama commercial recording tichhuak chin an ni a, nominee te hi artist, historian leh music indutry professional 1,200 awmna panel-in an an thlang ṭhin a ni.