"Ka talent ka zuar, ka chhia leh ṭha hriatna ni loin" Sushant Singh

Citizenship Amendment Act 2019 duh lohnaa a tel avanga ban tak Sushant Singh chuan a talent zuar mah se a chhia leh ṭha hriatna erawh a zawrh loh thu a sawi.

Indian express zawhna chhangin Sushant Singh chuan Thawhṭanni zanah khan a contract tihtawp sak a ni tih a hriat chauh thu a sawi. A chhan tak erawh an sawilang lo tih sawiin, duh lohna lantirnaa a tel ni leh ban a nih ni tak a inrual chu thil thleng palh pawh a ni thei. A chhan tak erawh ka hre lo, mahse channel chuan an host thlak turin dikna an nei a lawm, a ti.

Celebrity dangte ngawih reng chhan zawhna pawh chhangin, midang chu a sawisak theih loh thu leh ani chuan aw a nei a, a ṭawngchhuah tur thu a sawi. Richa Chadha, Taapsee Pannu, Zeeshan Ayyub leh Anubhav Sinha-te pawh an auchhuak tih a sawi bawk. 

"Midang duhthlannaah chuan engmah ka sawi sak thei lo. Mahse keimahah chuan, in­nghahna awlsam tak ka nei. Ka talent ka zuar, ka chhia leh ṭha hriatna erawh ka zuar lo. Ka fate an ṭhanlen hnua zirlaite tihduhdah an nih laiin eng nge in tih tia min zawh hunah chhanna ka neih a ngai a ni," tiin Sushant Singh chuan chuan a sawi.