'Bloodborne' game film-ah siam dawn

Playstation hnuaia games lar leh hit 'Bloodborne' film adaptation siam a ni dawn tih CinemaCon neihah puan a ni. YouTube star Jacksepticeye chuan a produce dawn a, Sony Pictures leh PlayStation Productions-ten game kalhmang ang chiahin film hi an siam dawn a, tlangzarh hun tur sawi lan a la ni lo.

'Bloodborne' video game hi legendary Japanese developer, FromSoftware in Dark Souls series behchhana an siam a ni. Kum 2015-a khelh theih tura tlangzarh a nih aṭangin he game ngainatu hi an tam hle a, a sequel siam tura fan-ten an ngenna erawh tihhlawhtlin a la ni lo. Video game aṭanga film siam hi tunlai hian a hlawhtling hle a, 'The Super Mario Bros.' Movie leh 'A Minecraft Movie' te pawhin box office-ah sum an la lut hnem hle. Sony hian Bloodborne bakah hian Helldivers leh The Legend of Zelda te pawh movie-a siam an tum mek bawk niin an tarlang.