Usher leh Chris Brown-ten 'R&B Tour' neih hun tur puang

Grammy Award winning artist, Usher leh Chris Brown-te chuan kumina 'The R&B Tour' North America puma an neih hun tur an puang. Tour hi U.S. leh Canada-ah an nei dawn a ni. Kar hmasa khan an pahnih hian Instagram-ah tour an neih tur teaser an lo pholang tawh a ni.

'The R&B Tour' hi Live Nation in a produce dawn a, ni 33 chhung show neih tur hi June 26 hian Denver-a Empower Field, Mile High-ah khuh hawn a ni ang. December 11-a Tampa-a Raymond James Stadium-a a tawp khar a nih hmain Detroit, Chicago, Toronto, Las Vegas, Los Angeles, Houston leh Miami-ah show an nei dawn a ni. Tour an neih turah hian Global Citizen pawh thawhpuiin, khawvel hmun hrang hranga naupangten zirna ṭha an neih theihna turin ticket an hralhna aṭanga USD 1

zel chu FIFA Global Citizen Education Fund atan dah a ni ang.