'Ocean's' prequel-ah Bradley Cooper

American actor leh filmmaker, Bradley Cooper chuan 'Oceans' prequel a direct dawn bakah a ziak dawn a, Australian actress leh producer Margot Robbie nen an chang dun bawk dawn a ni. He thu hi Thawhlehnia CinemaCon-ah Warner Bros. studio head Mike De Luca leh Pam Abdy-ten an sawi. Film hian a hming tur la nei lo mah se, nakkum June 25-a tlangzarh tura ruahman a ni.

Warner Bros. chuan kum 1960-a heist movie Frank Sinatra leh Rat Pack member-te channa 'Ocean's 11' remake 'Oceans' chu kum 2001 khan tlangzarhin, kum 2017-ah 'Ocean's Thirteen' leh 2018-ah 'Ocean's Eight' tlangzarh leh a ni. Studio chuan film tlangzarh tur dang eng emaw zat puang bawkin, chung zingah chuan 'The Revenge of La Llorona', 'Final destination 7', 'The Flood', 'Weapons' prequel 'Gladys' leh 'Baz Luhrmann film-te an tel. 'Game of Thrones' prequel pawh siam mek a ni bawk.