YouTube Livestream-ah "Ads" tih bo a ni dawn

Digital khawvel hmasawnnain bung thar a kai zel a, tunah pawh YouTube chuan platform aṭanga livestream hit laia fakna (ads) lo awm ṭhin chu tih tawp a nih tur thu an tarlang leh ta. Ṭhalai tam takin an hun tam zawk an hmanna, hun hlimawm bakah thil thar an thlirna a ni tih company chuan hriain livestream en laia fakna awm sek ṭhin titawp tur hian hma an la niin an tarlang.

Livestream chat-a boruak a 'hot' chhoh lai taka fakna lo chhuah chu tih tawp a ni dawn a, hei hi "protect the vibe", a boruak hot lai vawnnunna atana tih a ni. Ram ṭhenkhatah kalpui ṭan niin chat kaltlanga entute an phur zual lai tak chu YouTube system hian lo hre thiamin, fakna chu a lo dang thei tawh dawn a ni. He hmalakna hi YouTube Premium man an tih san hnu lawka siam a ni a, ennawm thlirna hmun nuam zawk siamsak hmanga user-te lungawi lohna hnem an tumna pakhat pawh a ni thei ang. Livestream-a boruak 'hot' lai taka 'Ads' lo lang hlawl lakah kan fihlim tur hi ṭhalai livestream en nasa tute tan chuan chanchin lawmawm tak a ni ngei ang.