New Year's Rockin' Eve-ah Post Malone

Dick Clark's New Year's Rockin' Eve-ah Post Malone chu show headliner a ni dawn.

Times Square-a event lian tak neih turah hian Ryan Seacrest chu host a ni dawn a, Post Malone hi a inlan dawn a ni. Ani bakah hian BTS, Sam Hunt leh Alanis Morissette-te pawh an perform dawn a, Dick clark production executive producer Mark Bracco chuan a phur tawh thu sawiin, "Post Malone a perform thei tur hi kan vannei hle," tiin a sawi. Time Square-a  New Year's Eve hun an hman tur chu hun chhinchhiah tlak tak a nih dawn thu leh BTS, Sam Hunt leh Alanis Morrissette-te inlan tur chu an hun hman tihlu zual tur a nih thu a sawi bawk.

Dick Clark's New Year's Rockin' Eve hi Los Angeles-ah pawh hman a ni dawn a, Ciara chuan a host dawn a, Paula Abdul, Kelsea Ballerini, Blanco Brown, Dan + Shay, Green Day, Dua Lipa, Ava Max, Megan Thee Stallion, Anthony Ramos, Salt-N-Pepa leh SHAED-te an perform dawn. New Orleans-ah chuan Billy Porter host a ni dawn a, Sheryl Crow leh Usher-te an inlan ang. Miami-ah chuan Jonas Brothers an inlan dawn a ni.