Lana Del Rey-i'n James Bond game theme song sa dawn

American singer-songwriter, Lana Del Rey chuan James Bond video game thar '007 First Light' theme song a sa dawn. He hla hi composer hmingthang David Arnold, James Bond film panga tana hla lo phuah tawh ṭhin phuah a ni. '007 First Light' hi kumin May thlaah tlangzarh a ni ang.

Arnold chuan Lana thawhpui chu a phur thu leh, an thawh dunna hmang hian fan tam tak an hip theih a beisei thu a sawi. Lana pawhin a album palina 'Honeymoon' a '24' tih hla chu he spy movie tana a phuah a ni tih a sawi. A hla phuah hi film-a hman atan hnawl ni mah se, engtik emaw niah chuan hun ṭha a la herchhuah a beisei ṭhin tih a sawi bawk. Lana hi James Bond video game theme song-a artist zinga a aw thawh hmasa ber a ni lo a, kum 2010 khan Joss Stone chuan 'James Bond 007: Blood Stone' video game opening title atan 'I'll Take It All' tih hla a lo record tawh. Hei bakah kum 2004 khan video game tan Mýa chuan 'Everything or Nothing' tih a lo sa tawh bawk a ni.