Olivia Rodrigo-i'n single thar "Drop Dead' tlangzarh

American singer Olivia Rodrigo chuan album thar tura a hla hmangin fan-te a rawn surprise a, single thar 'Drop Dead' a tichhuak ta. Rodrigo hla thar hi nimin khan tlangzarh niin, rimawi chhuak thar duh thlan tur zingah pawh a lan ngei a rinawm.

Fan tam zawk chuan Rodrigo single thar aṭang hian a album tihchhuah tur kalhmang 'era' thar a hriat theih deuh niin an sawi. Single thar hi June 12 a album a tihchhuah tur track 13 awmnaa mi niin, album thar hi kum 2023-a tihchhuah 'Guts' dawta full length album a tihchhuah leh hmasa ber tur a ni bawk. Rodrigo chuan British Vogue-in a kawmnaah a album thar hi 'sad love songs', hmangaihna hla lungchhiat thlak hlir a nih tur thu a lo sawi tawh a ni. "Inzawmna ṭha tak neih hian rilru a hahdam mai ṭhin ka lo ring a, mahse, tunlai khawvelah chuan hmangaihna nghet hmuh hi a harsa a ni," tiin a hla thar tum ber a hrilhfiah.