Morgan Wallen leh Ella Langley-ten hla thar tichhuak

Country music ngainatu tan chanchin lawmawm a awm leh ta, Inrinni liam ta khan Alabama-a Morgan Wallen-a'n 'Still the Problem' tour a neihna hmunah, tunlai country music-a hmeichhe hlawhtling ber zinga mi Ella Langley chu guest anga rawn inlanin, an pahniha an thawh dunna thar 'I Can’t Love You Anymore' chu mipui hmaah an debut.

He hla thar hi Zirtawpni, April 24 hian khawvel hriatah tlangzarh a ni ang. Morgan Wallen-a chuan he hla hi Ella Langley phuah a ni a, thla khat vel liam ta khan Ella hian a thawn a, a ngaihthlak veleh a duh nghal hle tih a sawi. 'Heartbreaker' hla, lungkuai leh muang fan raih mai a ni a, an aw nen pawh a inchawih hle.

Langley hian he hla hi a hmain a lo sihhmuh tawh ṭhin nia sawi a ni a, a hla 'Choosin’ Texas' music video-ah khan white van an tlanchhiatna number plate-ah "ICLYA" (I Can't Love You Anymore) tih a lo chuang daih tawh a, hemi hnu hian Nashville-ah pawh Wallen-a hla 'Sand in My Boots' kha an lo sa dun tawh bawk.