Scary Movie 6 hlawhtlin dan a zirin 'White Chicks 2' awm maithei

Khawvel huapa film hlawhtling, kum 2004-a tihchhuah tawh ‘White Chicks’ chhunzawmna a awm leh maithei. Wayans unau, Marlon leh Shawn Wayans-te chuan an comedy hlawhtling tak sequel hi siam leh an inpeih reng thu an sawi chhuak. Mahse, he hmalakna hi an kutchhuak thar ber ‘Scary Movie 6’ box office-a a chet ṭhat leh ṭhat lohah a innghat tih an sawi.

Entertainment Tonight (ET) in a kawmnaah Shawn Wayans chuan June 5-a tlangzarh tur, ‘Scary Movie 6’ hian mipui ngaihven a hlawh a, sum a la lut ṭha a nih chuan ‘White Chicks 2’ hi a taka chantir theih a ni tih a sawi a ni. ‘Scary Movie 6’ ah hian changtu hlui leh thar an inpawlh dawn a, an franchise thar hi khawvel ṭhalaite zingah tihlar thar leh an tum hle. ‘White Chicks 2’ kan hmuh leh hmuh loh tur chu ‘Scary Movie 6’ box office result-in a hril dawn a; tlangzarh a nih hunah ṭhalaite hian an thlawp ṭhat viau a ngai dawn a ni.