BigBang-in world tour neih hun tur puang

Legendary K-pop group, BigBang chuan Inrinni zana Coachella Valley Music and Arts Festival-a an perform-naah world tour an nei dawn tih an puang. Tour hi an group 20th anniversary lawmna denchhena neih tur a ni. Band member Taeyang, G-Dragon leh Daesung-te chuan Coachella chu bul an ṭan ṭhat lehna a nih thu an sawi.

World tour an neih hun tur kimchang la puang lo mah se, G-Dragon chuan kumin August thlaah neih ṭan a ni dawn tih a sawi. Seoul-ah khuh hawn rin a ni bawk. An band hian an hla hit 'Bang Bang Bang', 'Fantastic Baby' leh 'Bae Bae' te Coachella-ah hian perform in, an hla 'Still Life' hmangin festival-a hun an hman an khar a ni. Member tin hian an solo hla an sak bakah Taeyang leh G-Dragon chuan an hla hit 'Good Boy' sain, Daesung chuan 'Hando Chogwa' leh kum 2008-a a hla hit 'Look at Me, Gwisoon' te a perform bawk.