Beijing half-marathon-ah 'Robot' in mihring record khum

Khawvel thiamna ṭhang zelah Pathianni liam ta khan Beijing, China-ah humanoid robot puala siam half-marathon buatsaih a ni a, he inelnaah hian mihringin half-marathon intlansiakna aṭanga world record a siam chu khumin Robot hian record thar an rawn siam a ni. Record thar siamtu Robot hi Chinese Smart phone company Honor siam niin km 21.09 a thui inthlansiakna chu minute 50 leh second 26 chhungin a thleng hman.

Mihring record ding lai hi Jacop Kiplimo siam niin minute 57 a ni a, Robot record nen a inthlau viau. Hetih laiin social media hrang hrangah erawh mihring leh Robot khaikhin chu thil fair lo tak a nih thu an sawi hlawm a ni. Mahse, technology huanga hmasawnna tarlangtu pakhat niin kum hmasa lama humanoid robot half-marathon neih nena khaikhinin robot-te hi an tlan chak tawh zawk a, kum hmasa lam aiin minute 110 chuangin an thleng hma zawk. Kum 2025-a half-marathon neihah khan robot thleng hmasa ber chuan darkar 2 leh minute 40 ah a thleng a ni.