Higher Ground production company independent-in kal dawn

U.S. president hlui Barack Obama leh Michelle Obama-te production company Higher Ground chu kum riat chhung Netflix nen an thawh dun hnuah, independent-in an kalpui dawn tih Barack Obama chuan Inrinnia Philadelphia-a United States 250th anniversary lawmna hun hmanah a sawi.

Obama chuan Netflix nen kum riat an thawh ho hnuah an production company chu independent zawka kalpui a, studio hrang hrang thawhpui an tum tih a sawi. Obama-te nupa hian kum 2018 khan Netflix nen inremna siamin, kum 2024-ah an thawh dunna chu an pawtsei leh a ni.

Higher Ground leh Netflix thawh dunna hnuaia project zingah 'Rustin', 'American Symphony', 'Crip Camp' leh 'American Factory' te telin, hei bakah series 'Bodkin leh apocalyptic thriller 'Leave the World Behind' pawh a tel a ni. Higher Ground hian Netflix bakah HBO pawh thawhpuiin, comedy series 'Life Larry, and the Pursuit of Unhappiness' an tichhuak a ni.