'Practical Magic 2' ah Sandra Bullock leh Nicole Kidman

American romantic fantasy film, 'Practical Magic 2' kumin September 11-a theatre-a tlangzarh tur chu Thawhṭanni khan a trailer tihchhuah niin, Sandra Bullock leh Nicole Kidman-te chuan kum 1998-a original film-a an role ngai Sally leh Gillian Owens lemah an rawn chang leh. Tun ṭumah erawh an fate hnena dawi an thiamna an hlan chhawn dan tihlan a ni thung.

Sequel-ah hian Wiest leh Stockard-te pawh chang lehin, a changtu thar zingah Joey King, Lee Pace, Maisie Williams, Xolo Maridueña leh Solly McLeod-te an tel. Film hi 'The Perfect Couple' leh 'Bird Box' director Susanna Bier chuan a direct a ni. Alice Hoffman novel ziah 'The Book of Magic' behchhana siam a ni a, script hi Akiva Goldsman leh Georgia Pritchett-te kutchhuak a ni. Denise DiNovi, Bullock leh Kidman-te chu producer zingah telin, Andrew Kosove, Broderick Johnson, Donald Sabourin leh Hoffman-te chu executive producer an ni.