Violent Soho kum 4 hnuah an rawn kir leh ta

Kum 2022-a an chawlh thu an puan hnuah, Australia khawmualpuia rock band lar tak, Violent Soho chuan kumin 2026 September hian an rawn come back dawn tih an puang ta rup mai. He chanchin hian khawvel hmun hrang hranga an fan-te a barakhaih hle a, rock music ngainatute tan chuan chanchin lawmawm tak a ni ngei ang.

Band hian tour pui tak neih an tum a, Sydney-a Enmore Theatre-ah September 11-ah bul an ṭan dawn a ni. Melbourne-a Forum leh an indin chhuahna khua Brisbane-a Fortitude Music Hall-ah te an inlan chhunzawm ang. Tun ṭum an lo kir lehnaah hian band dang Beddy Rays, Teenage Joans, leh Secret World-te pawhin an ṭawiawm dawn bawk.

Violet Soho hi kum 2004-a din kha an ni a, 'Covered in Chrome' ang chi hla hmangin Australia rock music khawvelah hmun pawimawh tak an lo luah tawh ṭhin. An album hnuhnung 'Everything Is A-OK' (2020) khan chart-ah hmun sang tak a lo luah tawh a ni. An hla thar leh hla hlui lungkuai tak takte nen September thla hian an rawn thawk chhuak dawn a ni.