'Elden Ring' a changtu turte puang

English author leh filmmaker, Alex Garland kutchhuak 'Elden Ring' movie-a changtu turte puan an ni ta. He fantasy video game live-action adaptation hi A24 leh Bandai Namco Entertainment chuan production an ṭan tawh a, kum 2028 March 3-a tlangzarh tura ruahman a ni.

'Elden Ring' movie-ah hian English actor Kit Connor chu a changtu ber a ni dawn a, a changtu tur dang zingah Ben Whishaw, Cailee Spaeny, Tom Burke leh Havana Rose Liu-te an tel. Film hi Peter Rice, Andrew Macdonald leh Allon Reich bakah George R.R Martin leh Vince Geradis-ten an produce dawn a ni. He dark fantasy-action RPG video game lar tak 'Elden Ring' hi kum 2022 khan FromSoftware-a Hidetaka Miyazaki chuan mythological story, Martin ziah behchhana a siam a ni. Khawvel pumah copy mtd 30 chuang hralh chhuah niin, media outlet hrang hrang aṭangin Game of the Year award 400 chuang a dawng tawh bawk.