'Devil Wears Prada 2' a Sydney Sweeney scene paih chhuak

American actress 'Euphoria' leh 'Housemaid' star, Sydney Sweeney chu 'The Devil Wears Prada 2', kumin May 1-a U.S. theatre-a tlangzarh turah a scene paih chhuah leh a ni tih Entertainment Weekly chuan a tarlang. Sweeney hi nikum khan film shooting neihnaah hmuh niin, sequel-ah hian a inlan dawn nia rin a ni.

Actress hi minute thum chhung scene-ah hian a inlan thu leh, Emily Blunt character Emily Charlton lem a chang tih report a ni. He scene hi film opening dang nen a inmil lo nia sawi a nih avangin Disney film aṭang hian paih chhuah leh a ni. Sweeney hi HBO series 'Euphoria' season thumnaa a inlan leh hnuah mipui ngaihven a hlawh hle. Hei bakah nikum December thlaa tihchhuah Paul Feig kutchhuak, 'The Housemaid' ah pawh changin, film hian khawvel pumah USD mtd 400 vel a la lut.