ACM Awards host atan Shania Twain

Country-pop crossover superstar, Shania Twain chuan a vawi khatna atan kumin May thlaa ACM Awards neih tur a host dawn tih Academy of Country Music leh Dick Clark Productions chuan Nilaini khan an puang.

Twain chuan Las Vegas-a 61st ACM Awards a host tur chu a phur tawh thu leh, country music-a hlawhtling tak takte leh sulhnu nei ṭhate chawimawina huna a tel thei tur chu chawimawina ropui tak a nih thu a sawi. Kumin ACM Awards nomination-ah hian hmeichhia an che ṭha hle a, Megan Moroney chuan nomination pakua hmuin, Miranda Lambert chuan pariat a hmu a, Ella Langleng leh Lainey Wilson-ten nomination pasarih an hmu bawk. Mipa lamah Chris Stapleton chuan nomination paruk hmuin, Zach Top-a'n panga, Riley Green leh Cody Johnson-ten pali ve ve an hmu.

Show hi May 17 hian Las Vegas-a MGM Grand Garden Arena-a neih a ni dawn a, Prime Video, Amazon Music App leh Amazon Music Twitch channel-ah live-a pekchhuah a ni ang. Award show-a perform tur puan tawh zingah Wilson, Lambert, Kacey Musgraves, Johnson, Green leh Little Big Town-te an tel.