'Fighting With My Family' stage musical-ah siam dawn

Biographical sports comedy-drama film, kum 2019-a tihchhuah Florence Pugh leh Dwayne Johnson-te channa, 'Fighting With My Family' chu stage musical-ah siam a ni dawn tih producer-ten an sawi. Film hi British pro wrestler Saraya Knight, Paige tiha hriat lar chanchin tak tak behchhana siam a ni.

Johnson-a production company leh musical thawk dun chuan he stage musical hi an siam dawn a, director Stephen Merchant kutchhuak hlu tak chu stage musical-a siam a phu tih Johnson chuan a sawi. Film hi kum 2012-a Channel 4 documentary, 'The Wrestlers: Fighting with My Family' behchhana siam a ni bawk. Stage adaptation thar tur hi Girls Aloud songwriter Miranda Cooper leh producer Sam Hodges-te production company Tilted Musicals chuan a siam kawngah hma an la dawn a ni. Musical adaptation chu Jon Brittain-a'n a ziak dawn a, soundtrack chu Cooper leh Nick Coler-ten an phuah ang.