Support the local

Volts N Volume leh Mizoram Entrepreneur’s Forum ṭangkawp chuan 21st December (Saturday) hian Mizorama a vawikhatna atan Aijal Club Park-ah Supportthelocal event an nei dawn. 

He event-in a tum ber chu, entre­preneurship hi a bikin ṭhalaite-ah nasa lehzuala ngaihhlut leh ngaiven a nih theih nan te, kan ram thar chhuah/ siam chhuah (local product) ngaihhlut a nih lehzual a nih theih nan te leh Mizo entrepreneurs, enter­tainers, public figure-ten kan ram hmasawn zel theihna tur atana thawhhona ṭha zawk an neih theih nana hmalak te a ni. 

Food truck bakah Local pro­duct stall tam tak a awm ang a. Tiktok/ Likee challenge Adeline-in a buatsaih mek bawk. Mizo Dance Camp-in House of horror an buatsaih dawn bawk. Face painting, magic show, carnival games chi hrang hrang a awm bawk ang. 

He event hi a bikin ṭhalaite pual a ni a, Mizorama kan top artist G’nie, Feli Fanai, Jaui, Blank Rcrds, Hlimhlimi, Hriati leh GreenrocketTV te pawh an inlan dawn a ni.