Microsoft Gaming-in an hming Xbox ah thlak

Microsoft gaming business chuan an original name Xbox tihin an hming an thlak leh ta. Tech giant hian division hming Microsoft Gaming tiha a thlak aṭanga kum li hnuah Xbox tia thlak leh tur hian thutlukna siamin, sumdawnna huanga hmathlirna thar an neihte an tarlang bawk. Company hian official-in Microsoft Gaming tih hming hi January 2022 khan an hmang ṭan a ni.

CEO Asha Sharma leh content officer Matt Booty-te chuan 'Microsoft Gaming' tih chu an structure sawifiahna a nih rualin, an thil tum ber sawifiahna a ni lo a, hei vang hian team hming chu thlak leh a nih thu Ningani khan an tarlang. An ruahmanna tihlawhtling turin inthlak danglamna nei tura hma an lak a ṭul tih an sawi bawk. Sharma hi Microsoft CoreAI division product development-a president ni lai a ni.

Tunkar tir khan Microsoft game division chuan Xbox game pass subcription an lo tihniam tawh bawk. Xbox-ah hian strategy pali ngaih pawimawh a nih thu sawiin, chungte chu hardware, content, experience leh service a nih thu an sawi.