Lord Krishna chanchin tarlanna 'Krishnavataram' tlangzarh hnai

India rama film siamtu independent studio lian tak, Creativeland Studios Entertainment chuan Hindu pathian, Lord Krishna chanchin tarlanna film thar 'Krishnavataram' chu kumin May 7 hian khawvel pumah tlangzarh an tum thu an puang. He film hi ṭawng hrang hrangin tlangzarh a ni dawn a; a tirah Hindi, Tamil leh Telugu ṭawngtein tlangzarh hmasak a ni ang.

He film hi Hardik Gajjar-a direct a ni a, trilogy tura ruahman a ni. Hlawm hmasaber hi ‘Hridayam’ (The Heart) tia vuah a ni a, a trailer pawh hian social media-ah thlirtu maktaduai 8 chuang a nei tawh. Producer Sajan Raj Kurup chuan he film hi India divine heritage khawvel cinema-a pho chhuahna tur kawng pawimawh tak a nih thu a sawi bawk. A thawnthu chauh ni loin visual pawh hi 19th-century artist lar Raja Ravi Varma-a oil-painting thiamna behchhana siam a ni a. India-a tlangzarh a nih aṭanga chawlhkar hnihna, May 21 velah chuan English version pawh US, UK leh Canada-ah te tlangzarh a ni ang.