Kimkima hla thar 'Ka thinlung tan rukru'

Ṭhazaual Award 2019-a  Best Songwriter leh Best Male Artist Lengzem award dawngtu Kimkima chuan Thawhlehni khan hla thar 'Ka thinglung tan rukru' a tichhuak.

'Ka thinglung tan rukru' hi YouTube-ah lyric video a dahchhuak a, stream-tu an tam chho leh tawh hle. Kimkima hla thar hi a mawi lehpek hle a, ama phuah leh bawk niin a aw nen pawh an inrem leh hle.

"Hmangaihna hianin hlimna a kentel rualin, natna a kengtel nghal a. Chuvang chuan tunlai ṭhalaite hmangaihna avanga intina tawn lo turin ka chah duh a ni," tiin, a hla thar chung­chang hi Vanglaini a hrilh. Nakkum lamah chuan music video pawh kan hmu thut mai thei.

Kimkima hian Nilaini zan khan Hrangzo Natural Park, Reiek Road-ah concert hlawhtling tak a nei a, Imphal lama kal turin a inbuatsaih leh mek bawk a ni.