Rimawi chhuak thar fan-te duh ber Noah Kahan 'The Great Divide'

Billboard-in rimawi chhuak thar zinga fan-te duh ber thlanna poll a siamah, kar liam taa rimawi chhuak thar zingah American singer Noah Kahan album thar 'The Great Divide' chu fan-te duh ber niin, vote tla zawng zawng aṭangin 60% vote a hmu. Rimawi tichhuak thar Kehlani, Hayley Kiyoko leh Gigi Perez-te chuan Noah Kahan album thar hi an tluk zo lo a ni.

Kehlani self-title 'Kehlani' chu vote hmu tam pahnihna niin vote tla zawng zawng aṭangin 17.68% vote a hmu a, pathumnaah hian poll-a hla dah zinga duh nei lote vote ṭhin 'Other' chu awmin vote 13.81% lai a hmu tling. Hayley Kiyoko ft Gigi Perez 'Collide' chu palinaah awmin vote 4.42% chauh a hmu phak a, duh nei lo te vote zat aiin vote hi a hmu tlem zawk.