'Enola Holmes 3' Netflix kaltlangin July-ah tlangzarh dawn ta

Netflix-a film hlawhtling em em, hnuchhui lam tarlanna film chhunzawmna 'Enola Holmes 3' chu kumin July 1 hian khawvel pumah tlangzarh a ni dawn. Film thar ‘first-look’ thlalak tarlanah chuan, tleirawl fing leh huaisen Enola (Millie Bobby Brown) leh a ṭhianpa Tewkesbury (Louis Partridge) te chu inneihna thutiam la tur niawm taka tarlan an ni.

Tun ṭumah hian Enola-i hnu chhui tur hi a hma aiin a khirh zawk dawn a, London khawpui chhuahsanin Malta thliarkar lamah a zin chhuak dawn a ni. Amah chauh ni lo, a u Sherlock Holmes (Henry Cavill) leh a nu Eudoria (Helena Bonham Carter) te pawh hmuh tur an awm leh dawn a; an thawhpui Dr. Watson leh Moriarty te pawh he film-ah hian an inlar leh dawn bawk. Film hmasa pahnihin hlawhtlinna nasa tak a lo chan tawh avangin, film pathumna pawh hian nghahhlelh a hlawh hle.