Metallica-in 1997 studio album hit 'Reload (Remastered) tlangzarh ṭha dawn

Heavy metal icon, Metallica chuan an studio album pasarihna, kum 1997-a tihchhuah, ‘Reload’ chu a remastered in an tichhuak leh dawn tih an puang. He project hi June 26 hian anmahni record label ‘Blackened Recordings’ kaltlanga tlangzarh tur a ni a, Metallica rimawi ngainatute tan thil hlu tak a tling leh dawn a ni.

Album-ah hian audio quality tihhmasawn mai piah lamah, tun hmaa an lo tihchhuah ngai loh 'warehouse' material ṭhahnem tak a tel dawn. Fan-te tan chuan an demo hla hlui te, mixing dik lo lai, an live performance record hrang hrang leh TV-a an lo inlar tawhna clips hlu tak takte thlir leh ngaihthlak theihna hun remchang a ni dawn.

Fan zinga a duh tan 'Reload Remastered Limited Edition Deluxe Box Set' pawh buatsaih a ni a, box set-ah hian CD 15, leh la tihchhuah ngai loh a awm dawn a ni. Kum 1998-a Seoul, South Korea an tlawh laia an thalak leh video-te, memorabilia hrang hrang leh thawnthu tam tak awmna lehkhabu phek 128 a chhah pawh a tel nghal ang.

'Reload' hi an album hmingthang tak, quadruple platinum status hial lo hlawhchhuak tawh a nih avangin, remastered version hian nasa takin a rawn vawrh lar chhoh leh ngei a rinawm.