Run-DMC member thihnaa inhnamhnawih thiam loh chantir

Hip-hop group Run-DMC member Jay Mizell, Jam Master Jay tiha hriat lar kum 20 liam taa kahhlum a nih chungchanga inhnamhnawih Jay Bryant (52) chu Thawhṭanni khan thiam loh chantir a ni. Bryant chuan Jay Mizell kahhlum a nih theihna tur hian pawikhawihtute a pui niin judge-te hnenah a sawi.

Prosecutor-te chuan Bryant-a DNA chu kum 2002-a Mizell an kahhlumna recording studio chhunga lukhum pakhatah an hmu tih an sawi. Bryant hi kum 2023 khan he pawikhawihnaah hian chhuah zalen a lo ni tawh a ni. Kum 2024 khan he thubuaiah hian Mizell-a godson Karl Jordan Jr leh a ṭhianpa Ronald Washington-te chu thiam loh chantir an ni. Prosecutor-te chuan Jordan leh Washington-te hian drug deal USD 200,000 man hua telh ve an nih loh avanga phuba an lakna a nih thu court-ah an sawi.

Kum 2002-a he inkahhlumna thleng hian music industry-ah nghawng a nei lian hle a, an hip-hop group Run-DMC pawh an disband zui a ni. He thubuai hi kum 20 vel chhui chhuah loha a awm hnuah, federal prosecutor-te chuan mi pathum lakah thubuai hi theh lut ṭha lehin, thiam loh chantir Bryant hi kum 15-20 lungin tang tura hrem a nih rin a ni.