Sony Future Filmmaker Awards sem a ni leh dawn ta

Khawvel hmun hrang hranga film siamtu mi thar leh ṭhalai talent nei ṭhate phochhuahna hmun, Sony Future Filmmaker Awards 2026 shortlist finalist-te puanchhuah an ni leh ta. He chawimawina hian a tum ber chu lemchanna khawvela hmasawn tum, mahse, kawng dap fuh hlei thei lo ṭhalaite tana kawng hawnsak a ni a, kuminah hian ram 162 aṭangin mi 8,400 zet an in-register a ni.