Gracie Abrams-i'n single thar 'Hit The Wall' tlangzarh dawn

Grammy nomination pawh lo hmu tawh pop singer Gracie Abrams chuan a era thar bul ṭanna ni pah fawmin, single thar a tlangzarh dawn tih a puang. Hla thar 'Hit the Wall' hi kumin May 14 hian khawvel hmun hrang hranga ngaihthlak theih tura tihchhuah a ni dawn, a fan-te tan a nghahhlelhawm dawn hle a ni.

Abrams hian a Instagram kaltlangin single art thar pawh a rawn tarlang nghal a; meipui hmaa ding hlimthla a lang a ni. He hla hming thupui nena inzawm hian 'DFH' tih acronym a hmang tel bawk a, hei hi a album thar hming tura ring an awm nghal. Kum 25 mi chauh la ni mah se, Abrams-i hian tun hnai kum tlemte chhungin ṭhalaite rimawi khawvelah hmun thuk tak a rawn khuar thei a ni. Album hmasa 'Good Riddance' leh 'The Secret of Us' te khan Billboard 200 chart-ah dinhmun sang tak an lo luah tawh a ni. 'Hit the Wall' hi May 14, tlai dar 5 (PST) hian online platform hrang hrangah tihchhuah a ni ang.