Dec 30 zanah Kristian film - RAHBI

KṬP, Mission Veng Branch chuan Kristian film an buaipui mek 'Rahbi' tih chu an zo thawkhat tawh a, December 30 zanah an tlangzarh dawn.

Mizorama KṬP Branch lian ber Mission Veng Branch hian Rahbi hi June 2018-ah an buaipui ṭan a, kum khat leh a chanve vel chhung an buaipui hnuah an tlangzarh thei dawn ta. He movie hi Mizo zinga videographer lâr berte zinga mi SVP kutchhuak a ni a, mi dang ṭha tak takin an puibâwm bawk. A changtute chu Mission Veng KṬP member leh an venga mite an ni hlawm a, film lama langsar sa awm lêm lo mah se, lemchan hrim hrimah erawh an mikhual lo hlawm hle.

December 30 zana an tlangzarh rualin, Mission Veng Branch KṬP Youtube channel 'KTP MISSION VENG Official'-ah dah nghal a ni dawn a; a duh apiang tan en theih a ni ang.