A.I. animated feature 'Critterz' siam dawn

'Paddington in Peru' screenwriter pahnih, James Lamont leh Jon Foster-te chuan A.I. animated feature film 'Critterz' script ziak turin an thawkdun dawn. An pahnih hian Cartoon Network-a 'The Amazing World of Gumball' pawh an lo siam dun tawh a ni.

'Critterz' hi A.I. production studio Native Foreign co-founder Nik Kleverov chuan a direct dawn a, Chad Nelson nen an produce bawk ang. Film hi A.I. hmanga mainstream commercial family feature siam hmasak ber tur a ni. Kleverov chuan 'Critterz' chu kum 1980 bawr chhoa film an en ṭhin; 'The Goonies' leh 'The NeverEnding Story' te ang deuha siam a nih tur thu a sawi.