HBO Max-ah 'Harry Potter' podcast

HBO Max-ah 'Harry Potter: The Official Film Podcast' chu May 19 hian tlangzarh a ni dawn. Podcast-ah hian film hmasa ber 'Harry Potter and the Sorcerer's Stone' episode pahnih tihchhuah hmasak a ni ang. Episode dang chu kartin tihchhuah ṭhin a ni dawn a, episode pahnih hi minute 60 zela thui niin episode zawng zawng hi darkar 16 awh a ni.

HBO Max chuan podcast tihchhuah chu 'Harry Potter' film 25th anniversary lawmna a nih thu an sawi. Hei bakah HBO original TV series, J.K. Rowling lehkhabu behchhana siam kumin December-a season 1 tlangzarh tur promote na tur a ni bawk. Podcast video version chu HBO Max-ah hian en theih a ni dawn a, audio-only version chu platform hrang hrang zingah Apple Podcasts leh Spotify-ah ngaihthlak theih a ni ang. Podcast hi HBO Max leh Pod People thawkdunin an produce a ni.