Coolio 1995 hit 'Gangsta Paradise' in YT-ah view tld 2 nei tling

Hip-hop huanga hla lar, kum 1995-a Coolio-a’n a tlangzarh ‘Gangsta’s Paradise’ music video chuan YouTube-ah view tluklehdingawn 2 (2 billion) a pel ta.

Music video director hi Antoine Fuqua niin, tun hnaia Michael Jackson biopic ‘Michael’ buaipuitu bawk kha a ni. Hla hi 'Dangerous Minds' film-ah khan hman niin film pawh kha a tilar zual hle a, Grammy Award leh MTV Video Music Awards pawh he hla hmang hian Coolio khan a lo dawn phah bawk.

Ṭhalai tam tak tan chuan he hla hi hla naran ni loin, an ṭhanlen pui leh an nun nena inthlunzawm tlat a ni a, tun hnaiah 'Weird Al' Yankovic-a’n 'Amish Paradise' tiin a lo parody leh tawh a, Falling in Reverse band-in an cover bawk. Coolio hi kum 2022-ah boral tawh mah se, a hla hian khawvel a la sawi nghing dawt dawt reng thei a ni.