Action thriller-ah Charlize Theron leh Baltasar Kormákur

South African-American actress leh producer, Charlize Theron leh director Baltasar Kormákur-te chu 'Apex' movie-a an thawh dun hnuah Universal Pictures action thriller, 'Six Clean Kills' ah an thawkdun leh dawn. Kormákur chuan feature project hi a direct bakah a produce dawn a, Theron pawh hi producer a nih dawn bakah a chang dawn bawk.

Theron hian AJ Dix leh Beth Kono-te nen Universal Pictures nena Secret Menu first-look deal an neih hmangin a produce dawn a, Kormákur hian Blueeyes Productions kaltlangin a produce thung ang. Parish chu executive producer tur a ni.

Film kalhmang tur erawh puan a la ni lo a, author Stan Parish-a novel la tlangzarh loh behchhana siam a ni ang. Kormákur leh Theron-te hi survival adventure thriller 'Apex' ah lo thawk dun tawhin, April 24-a Netflix-a tlangzarh a nih aṭangin entu a ngah hle. He film-ah hian Taron Egerton pawh a chang.