Zaninah Arini Ralte music video thar a chhuak dawn

Zoram gospel rimawi huanga zai thiam kan neih ṭhat leh tlangvalte star rawn, Praise On 2016 winner ni bawk Arini Ralte chuan kum khat dawn rimawi thar a tihchhuah loh hnuah hla thar 'Pathian Hnaih' tih chu a tichhuak leh dawn ta. Hla hi Runrema phuah niin, zanin hian Zonet-ah tihchhuah a ni ang a, MDM YouTube ah dah a ni bawk ang.

'Pathian Hnaih' music video mawi tak hi Norde Film siam a ni a, soundtrack hi Hlutea leh Maruata-te kutchhuak a ni thung. Hla mawina belhchhah tur hian Zorinsanga Sailo leh Ruby Zote in backing vocals lamah an pui bawk.

Arini hian hla thar project khawih lai mek nei bawkin tun thla tawp emaw thla thar June tirlamah emaw tihchhuah hman a tum. Hla mawi leh nung tak mai hmangin a fan tam tak a rawn awi leh thei dawn a, a nghahhlelhawm tawh hle.