Chris Brown in album thar 'Brown' tlangzarh

King of R&B tih a sawi ṭhin, Chris Brown chuan a studio album 12-na 'Brown' tih chu nimin khan a tlangzarh. Album thara milar a thawhpui zingah YoungBoy Never Broke Again, GloRilla, Vybz Kartel, Leon Thomas, Bryson Tiller, Tank, Fridayy, Sexyy Red leh Lucky Daye te an tel a, album-ah hian track 27 a awm.

CB hian tharum thawhna lam thilah buaina hrang hrang tawk fo mah se a rimawi zinkawngah erawh amah ngaisangtute tan chuan ngaihnep nachhan tur a nih loh zia hla hmang hian a rawn pho lang. Album-ah hian single-a a lo tihchhuah tawh “Obvious,” “Fallin’,” “Holy Blindfold” leh “It Depends” te a dah tel a, album pawh a hit phah viau a rinawm. Brown hian Usher nen tour nei mekin kumin December 11 hian a hmawr bawk a ni ang.