'The Voice' season 30-ah Kelly Clarkson

American singer-songwriter, Kelly Clarkson chu kumin favanga 'The Voice' season 30 buatsaih turah judge atan a kir leh dawn. Season 29-a judge panel-a a ṭhutpui Adam Levine nen an tel leh dawn a ni. Talk show host leh 'American Idol' winner Clarkson hi he blind singing competition season 2-ah adviser a lo ni tawh a, season 14-ah judge atan ruat a ni. Kumin show-ah hian judge atan John Legend a tel dawn leh dawn loh hriat a la ni lo.

'The Voice' hi kum 2011-ah buatsaih ṭan a ni a, hemi ṭum hian Levine, CeeLo Green, Christina Aguilera leh Blake Shelton-te chu judge an ni. Hemi hnuah Shakira, Usher, Miley Cyrus, Ariana Grande leh midang eng emaw zat judge panel-ah hian an lo ṭhu tawh a ni. Season pakhatah Clarkson leh 'American Idol' alum Jennifer Hudson-te feature an lo ni tawh bawk. Clarkson hi 'The Voice' ah hian vawi li coach a lo ni tawh a ni.