Rimawi chhuak thar fan-te duh ber Muna 'Dancing on the Wall'

Billboard-in rimawi tihchhuah thar aṭanga fan-te duh ber thlanna poll a buatsaihah, American Indie pop band Muna studio album thar ber, 'Dancing on the Wall' chu fan-te duhber niin, Charli XCX, Waylon Payne, leh The Chainsmokers-te a khum.

Muna album thar 'Dancing on the Wall' hian poll-a vote tla zawng zawng aṭangin 51.69% vote a hmu phak. Waylon Payne hla thar 'Holding On To Lonely'chuan 15.46% vote hmuin pahnihnaah a lang a; Bristish singer-songwriter Charli xcx single thar 'Rock Music' pawhin vote 9.18% hmuin Top 3 ah a lang pha bawk. Kum 2016 vela Closer hmanga khawvel deng chhuaktu, electronic duo The Chainsmokers erawh an hla thar Oaks nena an tihchhuah 'Love Is Kind' chu panganaah lang bawkin vote 3.86% a hmu phak ve bawk a ni.