CORTIS album thar hralh chhuak hnem

South Korean boy band CORTIS in May 4-a an album thar, 'GREENGREEN' an tlangzarh chu May 4 leh 10 inkar khan copy 2,313,291 hralh chhuah a ni tawh tih sales tracker Hanteo Chart chuan May 11 khan puangin, weekly album chart-ah No.1 an ni nghal.

An band hian an mini album hmasa ber, nikum September 8-a 'COLOR OUTSIDE THE LINES' tih an tlangzarh aṭanga kar khat chhunga copy 436,367 an hralh chu a let ngain an khum a ni. Kumina K-pop album tihchhuah zingah 'GREENGREEN' hi kar khat chhunga album hralh tam pahnihna niin, BTS full-length album 'ARIRANG' kar khat chhungin copy mtd 4.17 hralh chhuah chauh an pha lo.

Album tlangzarh ni ah copy mtd 1.2 hralh chhuah a ni. Album title track 'REDRED' pawh streaming chart-ah a che ṭha hle a, Spotify-a 'Daily Top Songs Global'-ah langin, kum nga hnua K-pop boy band lang thei hmasa ber an ni. May 9 thleng khan track chu No.93-ah awmin, ni 18 chhung a zawnin a awm thei a ni. Spotify-a 'Weekly Top Songs Global' chart-ah kar hnih chhung an lanpui bawk. Spotify-a thlatin an hla ngaithlatute pawh 40% in an pung tawh a, May 10 thleng khan ngaithlatu mtd 10.32 an nei tling tawh.