Gracie Abrams-i'n album thar tlangzarh dawn hnai

American singer- songwriter Gracie Abrams chuan a album pathumna tur, 'Daughter From Hell' tih chu kumin July 17 hian Interscope Records kaltlangin a tlangzarh dawn tih a puang. Abrams chuan Thawhṭanni khan a social media-ah a project title tur hi puang nghalin, album aṭanga a single hmasa ber 'Hit the Wall' tih chu Ningani hian a tlangzarh dawn bawk a ni.

Album thar hi Abrams leh hunrei tak a lo thawhpui tawh, Aaron Dessner nen an produce a ni a, kum 2023-a a album 'Good Riddance' leh kum 2024-a tihchhuah 'The Secret of Us' ah pawh an lo thawkdun tawh. Abrams hian a sophomore album, 'The Secret of Us' tih chu kum 2024-ah tlangzarhin United Kingdom, Australia leh Neherlands-ah No. 1 a nihpui. Album hi Billboard 200-ah No.2 ah a lang bawk. Abrams hi A24 film, 'Please' tihah lemchan lama a vawi khatna atan a chang dawn bawk.