Ian Wright biopic siam dawn

English media personality leh footballer hlui, Ian Wright biopic chu rapper Stormzy film company-in an siam dawn. Wright hi kum 20 vel a nihin Arsenal top scorer a lo ni tawh a ni. A naupan laia harsatna hrang hrang a tawhte leh, club ṭhahnem takin player atana an hnawl tawh dante a lo sawi fo tawh ṭhin a, biopic-ah chungte chu dah khawm a ni ang.

Stormzy chuan a company, Merky Films-in he biopic an siam thei tur chu lawmawm a tih thu leh, chanchin ngaihnawm leh midangte fuihtu ni thei siam chhuah ngei an tum tih a sawi. Wright hi kum 1963-ah London-a Woolwich-ah piangin, a nu leh pate hi Jamaican an ni. Film producer-te chuan biopic-ah hian football chu kum naupangte a nih aṭanga an chhungkaw khawsak harsatna laka tal chhuah dan awmchhun a nih dan tarlan a ni dawn tih an sawi. Film-ah hian Wright-a school teacher Sydney Pigden pawhin character pawimawh tak a chang dawn bawk. Wright hian kum 2000 khan football chawlhsanin, TV personality leh broadcaster hlawhtling tak a ni chho ta a ni. Women football vocal advocate niin, inchhunga intih duhdahna (domectic violence) a duh loh thu a au chhuahpui nasa hle a, a hnathawh avang hian kum 2023 khan Prince William hnen aṭangin Order of the British Empire (OBE) a dawng bawk.