'Rintei Zûnlêng' film adaptation zaninah chhuak dawn

Book of the Year 2009 dawngtu, 'Rintei Zûnlêng' tih chu film-a siam niin, zanin dar 8 hian Lersia play leh Aidu play ah te lei theiha dah chhuah a ni dawn. 'Rintei Zûnlêng' lehkhabu hi Lalrammawia Ngente ziah niin kum 2009 Book of the Year a thlan a ni a, he thawnthu ngainatu pawh an tam hle a, Mizo Novel chhuak tawha hluttu ngah berte zinga chhal ngam a ni.

'Rintei Zûnlêng' movie-ah hian Mizo film industry huanga lar sa ni lo, mi thar deuh hlir kan hmu dawn. A lehkhabu mil, tawi fel tak, mahse kim tak ni si a tihchhuah chu an tum ber a nih thu director Lalhmangaihzuala chuan a sawi. Ṭhalai leh la naupang zawk te'n Mizo novel ṭha an chhiar tawh ngai si lo a, movie-ah tal en theiha chhawp chhuah an duh tih a sawi bawk.

Videography leh editing hi Lallawmkima Tlau kutchhuak niin, Mizoram khaw hrang hrang bakah Aizawl ah te shooting hi neih a ni.