Mizo Guitar Idol 2019 ṭan
Mizoram music-in hma a lo sawn nan leh talent ṭha zawkte phochhuah a nih theihna tur Mizo Guitar Idol 2019 powered by Kameleon Music Store chu October 28 aṭang khan ṭan a ni.
Hemi atan hian mi 11 awmna Organising Committee din a ni a, anni hmalaknain he intihsiakna hi buatsaih a ni. Mizo guitarist thiam leh tui tak takte tan hian mi inphalten lawmman ṭha tak tak an thawhkhawm nual bawk.
Mizo Guitar Idol 2019-a tel duhte chuan YouTube-ah "Mizo Guitar Idol 2019 backing track" tih zawn a, track hi lo download mai tur a ni. "Mizo Guitar Players and Fans Facebook group"-ah mahni guitar perh lai upload mai tur a ni bawk .
November 16 thleng video thehluh theih a ni dawn a, guitar tui mi leh perh ṭhin tawh phawt chu tel ngei turin Organising Commitee chuan an sawm. November 29 hian final neih a ni ang a, a ṭhazual 10 thlanchhuahten final-ah hian live-in an play dawn a ni. Final-ah hian backing track hi a dang hman leh tur a ni dawn thung.
Video submit hi #mizoguitaridol2019 caption a hmangin, mahni "Hmingpum" ziak tela upload tur a ni.
Prize :
Winner - Rs.5000 + Trophy + Certificate + Electric Guitar Sterling by Musicman (Sub Silo3)
Runner up - Rs.3000 + Trophy + Certificate + Mooer GE100
1st Runner up - Rs.2000 + Trophy + Certificate + Guitar practice amp