Hillary Clinton anga inthuamna thlalak post vangin Katy Perry khing
Kum 2016 Halloween-a Hillary Clinton anga a inthuamna, paparazzi-ten a thla an laksak chu Katy Perry chuan a Instagram-ah a post a, a thlalak neitu photo agency chuan khingin, $150,000 chawi turin a phut.
Photo agency, Backgrid chuan October 29 khan Katy Perry an khinna hi thehlutin, Perry hian copy rights an neihna thlalak hi ama thua a lo post avangin federal law a bawhchhia a ni, an ti. Perry hian October 29 khan Hillary Clinton anga a inthuamna thlalak hi a post a, he thlalakah hian a ṭhian pakhat chu Bill Clinton anga incheiin, tuna a pasal hual ni ta Orlando Bloom chu president Donald Trump angin a inchei bawk.
Milar dang, Ariana Grande, Justin Bieber leh Gigi Hadid-te pawh tun hnaiah paparazzi-ten an thla an laksak, an phalna la loa an post avangin khin an lo ni tawh bawk a ni.