Ratan Tata-a'n Instagram-ah account siam

Industrialist hausa tawntaw Ratan Tata chuan Nilaini khan Instagram-ah account a hawng thar a, thlalak pakhat a post nghal bawk.

A thlalak post caption-ah hian, "Internet tihchhiat chungchang chu ka hre lo a, mahse Instagram-a in vaia ka lo zawm thei che u hi ka phur hle a ni! Vantlang nuna hunrei tak ka inlan tawh lo hnuah, chanchin inhriattawnte  leh community darhsarh takah hian thil special tak siamte ka beisei a ni," tiin a ziak.

Minute reilote hnuah a thil post hian like tu a ngah nghal hle a, a fan-ten lawmna thu hrang hrangin an comment nasa hle. A account hawn hnu lawk hian blue tick-a verify a ni nghal a, nimin thleng khan mi nuai thum chuangin an follow der tawh.

Ratan Tata hi Tata Trusts chairman niin, India rama civil miten chawimawina an dawn theih sang ber pahnih-  Padma Bhushan (2000) leh Padma Vibhushan (2008)-te pawh a dawng tawh a ni.