Drake-a'n album pathum tlangzarh

Canadian rapper leh singer, Drake chuan nimin Zirtawpni khan album pathum; 'Iceman', 'Maid of Honour' leh 'Habibti' a tlangzarh. Ningani zing aṭang khan Drake hian a album 'Iceman' tih a tlangzarh dawn bakah darkar khat hnuah album dang, 'Maid of Honour' tih a tlangzarh dawn tih thuthang a lo awm tawh tih DJ Hed chuan X-ah a tarlang.

Hemi chungchangah hian Drake chuan, a project pathum chu 'Iceman Episode 4' livestream zawhah a indawtin tlangzarh a ni dawn tih sawiin, hemi hnuah album cover image hran ṭheuh chu a Instagram-ah a post leh bawk. Record pathumah hian hla 43 awmin, feature guest zingah Future, 21 Savage, Sexyy Red (on two songs), Qendresa, Molly Santana, Central Cee, Popcaan, PartyNextDoor, Loe Shimmy, Iconic Savvy leh Stunna Sandy-te an tel.

Drake hian kum 2025 July thlaa livestream, 'Iceman Episode 1' YouTube-a a tihchhuah ṭumin album hi a tichhuak dawn tih a lo sawi tawh a, album thara hla eng emaw zat a preview zingah 'What Did I Miss?' tih pawh a tel. Livestream dangah single pahnih; 'Which One' leh 'Dog House' tih chu a lo tichhuak tawh bawk. 'Iceman' album a tlangzarh hma hian YouTube series installment palina a stream bawk a ni.