G-Dragon sipai ṭan hun zo

K-pop icon rapper 'Big Bang' member G-Dragon chu South Korea sipai a ṭan hun chhung hmang zoin, kar kal ta Inrinni khanYongin khua aṭangin a lo chhuak ta.

Sipaiah hian kum khat leh thla 8 chhung a ṭang a ni. Yongin hmunah hian a fan 3,000 chuang teh meuhin an lo hmuak a, a fan-te hnenah hian music khawvelah a kir leh dawn thu a sawi.

G-Dragon hi solo-in a kal dawn nge, 'Big Bang' band a zawm leh dawn tih erawh a la chiang lo a ni. G-Dragon hian 2017 khan "Kwon Ji Yong EP" a tichhuak a, Billboard 200 albums chart-ah No.192 dinhmun a hauh thei a ni.

SKorea-ah hian mipa kum 18 aṭanga 28 inkar hi sipaiah kum khat chuang an ṭan ngei ngei a ngai a, he dan hi kum 1957 aṭang khan SKorea sorkar chuan a kalpui ṭan a ni.