'James Bond' audition-ah Tom Francis

English actor leh singer, 'Sunset Boulevard' star Tom Francis chu James Bond audition-ah a tel. Kum 26 mi Francis hi 007 character chang tura performer tam tak zingah telin, casting director Nina Gold chuan a endik dawn. Hemi chungchangah hian Francis-a agency Linden Entertainment leh Amazon MGM Studios, Bond franchise-a producer leh financier-te chuan thuchhuah an la nei lo thung.

Francis hian 'Sunset Boulevard' hmangin Olivier award a dawn bakah, Tony award-ah nominate a ni. Screen performance lamah 'Jay Kelly' tihah a inlan dawn a, World War II hunlai anga chan sports drama, 'The Mosquito Bowl' ah a inlan bawk ang. He film-ah hian Nicholas Galitzine leh Bill Skarsgård-te an chang dawn bawk a ni. Francis hi Netflix series 'You' tih season tawpna berah a lo inlan tawh bawk.

Audition-a tel zingah hian 'Frankenstein' leh 'Euphoria' star Jacob Elordi, Aaron Taylor-Johnson, Callum Turner leh Cosmo Jarvis-te hming pawh sawi rik a ni a, mahse Jarvis-a thupuangtu chuan audition-ah hian a tel lo tih a sawi.