Eurovision Song Contest-a pakhatna Bulgaria singer

Kumina 70th Eurovision Song Contest-a pakhatna chu Bulgaria singer Dara niin, a hla 'Banagaranga' tih chuan point 516 a hmu. Pahnihna chu Israel mi Noam Bettan a ni a, a hla 'Michelle' tih chuan point 343 hmuin, Romania aiawhtu Alexandra Căpitănescu chu pathumna a ni a, a hla 'Choke Me' tih chuan point 296 a hmu.

Australia aiawha tel Delta Goodrem chuan a hla 'Eclipse' tih hmangin point 287 a hmu a, palina niin pangana chu Italy aiawh Sal Da Vinci niin, a hla 'Per Sempre Sì' chuan point 281 a hmu. Da Vinci hian kumin kumtir lam khan Sanremo Music festival-ah a hla hi pakhatna a lo nihpui tawh a ni.

Kumin song contest hi Vienna, Austria-a Wiener Stadthalle-ah neih a ni a, theme atan 'United by Music' tih hman a ni. Host atan Austria model leh singer Victoria Swarovski leh actor, Michael Ostrowski-te hman an ni. Competition-ah hian ram 35 aṭanga vote lak a ni a, jury leh mipui lamin an vote bawk. Eurovision hi kum 1956-ah neih ṭan a ni a, international televised music competition hlun ber a ni bawk.